Ish-kryeministri Sali Berisha nëpërmjet një postimi në profilin e tij në Facebook, ka denoncuar fshehjen e arrestimit të kandidatit të PS për Pogradecin, Ilir Xhakolli.
Në denoncimin e Berishës thuhet se Xhangolli është kapur disa ditë më parë me kontrabandë në doganën e Qafë-Thanës.
Denoncuesi shkruan më tej, se Xhakolli është liruar brenda 24 orëve, me ndërhyrjen e deputetit socialist, Taulant Balla.
Denoncimi i plotë
Denoncohet fshehja e krimit nga policia! Kapet ne flagrance me kontrabande kandidati per bashkine e Pogradecit. Lexoni mesazhin e qytetarit dixhital! sb Doktor,para disa ditesh ne doganen e Qaf Thanes eshte arrestuar kandidati i Partise Socialiste per Pogradecin Ilir Xhakolli! Ai eshte kapur per kontrabande dhe me nderhyrjen e Taulant Balles eshte liruar brenda 24 oreve. Kjo ngjarje eshte mbajtur e fshehte nga Policia e Sander Lleshit.
Vetëm pak çaste më vonë ka ardhur edhe reagimi nga Xhakolli. Ai e ka qujtur denoncimin e Berishës një shpifje.
Më tej ai ka këshilluar Berishën që të pyesë paraprakisht, përpara se të publikojë diçka.
Reagimi i plotë
Lidhur me një postim i cili po qarkullon orët e fundit.Sinqerisht me vjen keq për ju Sali Berisha. Një njeri në moshën tuaj dhe me funksionet që ka pasur, të arrijë në këtë derexhe. Por këtej nga anët tona thonë: Kur njeriu kalon në fazën e fundit të çmendurisë, fillon ha prej për dheri (çfarë të gjejë) Një këshillë miqësore kam për ty, para se të publikosh diçka pyet paraprakisht sepse u bëre gazi i botës dhe pogradecarët janë duke u tallur me ty. Nuk do reagoja kundër shpifjes tuaj të ulët, por e kam detyrë morale të informoj qytetarët e Pogradecit. Gjendja juaj mjerane tregon edhe njëherë se 30 Qershori ndan shapin nga sheqeri, midis një politike të vjetër dhe shpifëse dhe politikës tonë për ti dhënë fund njëherë e përgjithmonë kësaj situate në 30 Qershor!
