Ditën e sotme Kolegji Zgjedhor shfuqizoi dekretin e presidentit Ilir Meta, për shfuqizimin e 30 qershorit si datë zgjedhjesh.
Në këtë mënyrë Kolegji Zgjedhor në rolin e Gjykatës Kushtetuese vendosi që më 30 qershor zgjedhjet të zhvillohen.
Ky zhvillim nuk është pitur mirë nga bashkitë ku drejtojnë të djathtët.
Fillimisht ishte Bashkia e Kamzës, e cila i dërgoi letër KQZ-së, ku thuhej se nuk do të lejonin futjen e materialeve zgjedhore brenda ambjenteve të administruara nga bashkia.
Kamzës më pas iu bashkua Devoll dhe Pogradeci. Ndërkohë pak më parë kreu i Bashkisë së Kukësit, Bashkim Shehu, paditi dy anëtarë të KQZ-së, të cilët sipas tij mbajnë të bllokuara në kundërshtim me ligjin KZAZ-të.
Kujtojmë këtu se presidenca ka njoftuar nesër një konferencë të jashtëzakonshme, pas lëvizjes së Kolegjit Zgjedhor.