Pep Guardiola është padyshim një nga trajnerët më të mirë në botë. Filozofia e tij është loja e shpejtë, me pasime dhe e bukur.
Stili “Tiki-Taka” është parimi i tij dhe këtë nuk e kanë kuptuar vetëm lojtarët e ekipit të parë, por edhe moshat.
Në një video që qarkullon në rrjet, skuadra U-12 e Manchester Cityt në sfidën ndaj Dordmund, shihet teksa luan një futboll perfekt, me pasime të sakta dhe preçize që i hapin rrugën lojtarëve të shkojnë nga mbrojtja në sulm në mënyrë të rrufeshme.
Edhe pse Dortmundi bënte presing në metrat e para të gjysmëfushës së Cityt, lojtarët e vegjël të anglezëve, ishin të qetë dhe arrinin me lehtësi në portën kundërshtare.
Duket se efekti i Pep Guardiolës po transmetohet dhe te fëmijet e vegjël të akademisë dhe ata e kanë kuptuar më së miri filozofinë te teknikut spanjoll.