Interi me Antonio Konten si trajner, ka nisur përgatitjet për sezonin e ri ku syzohet të krijohet një ekip që pritet të jetë një nga skuadrat më interesante sezonin që vjen në Serinë A, por edhe në Champions League.
Merkatoja pritet të jetë me emra të bujshëm në “San Siro”, me Marotën që ka nisur të lëvizë tashmë. Shumë lojtarë janë përfolur si afrime te zikaltrit dhe me shumë mundësi, Interi i sezonit të ri pritet të jetë i frikshëm.
Emra si Lazaro, Dzeko, Lukaku, Barela e Godin pritet ta forcojnë ndjeshëm ekipin dhe padyshim skema tradicionale e Kontes mbetet 3-5-2.
Në portë do të jetë i palëvizur Samir Handanoviç. Mbrojtja do përbëhet nga Godin, De Vrij dhe Shkriniar.
Laxari dhe Perisic do të jenë anësorët. Ndërkaq në mesfushë do ketë dy emra të rinj pranë Brozoviçit, bëhet fjalë për Barelën dhe Sensin. Sulmi do të ketë dy gjigantë si Xheko dhe Lukaku.
Tashmë mbetet të shihet nëse dëshirat e Kontes plotësohen dhe do të kemi një Inter të ri sezonin që po vjen.
Ja formacioni/ Inter (3-5-2): Handanoviç; Godin-Shkrinjar-De Vrij; Lazaro-Brozoviç-Sensi-Barela-Perishiç; Xheko-Lukaku
Burimi: AS.com| Përshtati: JOQ Albania