Voltana Ademi e vendosur: Nuk do t’i hap qendrat e votimit, nëse Rama do dhunë është i mirëseardhur

Kryebashkiakja e Shkodrës Voltana Ademi shprehet se në 30 qershor nuk do të lejojë të hapen qendrat e votimit në qytetin e saj.

Një lidhje telefonike me emisionin '360 Gradë', Ademi ka sfiduar kryeministrin Rama duke thënë se nëse ai do t'i hapë qendrat e votimit me dhunë, do të jetë i mirëseradhur në Shkodër.

Deklarata e Ademit:

Unë kam vepruar dhe veproj në mënyrë institucionale. Nëse kryeministri do të marrë majë, instrument të fortë për të hapur derën e teatrit, apo të ujësjellësve, apo të qendrave të votimit për të shpërthyer dyert mendoj se kjo nuk është e mundur. Unë nuk do ti hap qendrat e votimit, do të respektoj ligjin. Nëse ai ka mundësi ta bëjë me dhunë është i mirëseardhur që ta cojë marrëzinë e tij deri në fund. Ne nuk do të vendosim njerëzit para njerëzve kurrsesi. Kjo nuk është ajo që ne kemi në qëllim”.

Kujtojmë që kryetarja e Bashkisë Ademi ishte në krye të protestuesve, mbremjen e së enjtes, duke protestuar ardhjen e kryeministrit Rama, i cili nuk kishte marrë leje për miting, si dhe për të kundërshtuar zgjedhjet e 30 qershorit.