Kryetarja e LSI Monika Kryemadhi i ka përcjellë një mesazh Presidentit Ilir Meta, njëkohësisht edhe bashkëshort i saj.
Kryemadhi u shpreh se sado dashuri ti japësh, nuk e shpëton dot më.
Deklarata e Kryemadhit:
Mjaft me dashuri për Edi Ramën, jepi oksigjen sa të duash, nuk e shpëton dot më. Dekreti që bëri Ilir Meta për të shfuqizuar zgjedhjet e 30 Qershorit ishin shpëtim për Edi Ramën për ta ulur në një tavolinë me Lulzim Bashën. Por, si gjithmonë Edi Rama që në momente të gabuara ka këshilltarë të gabuar e humbi edhe varkën kur ia dërgoi Zoti për herë të tretë. Kështu që edhe Presidenti sado të mundohet ta shpëtojë Edi Ramën, nuk ka bir nëne që e shpëton më Edi Ramën, as nëna e vetë, as gruaja e vetë, as njerëzit e vetë dhe as të dashurit e vetë nuk e shpëtojnë dot më, sepse secili do kërkojë të shpëtojë kokën. Dhe Taulant Balla do kërkojë të shpëtojë veten e vet përpara Edi Ramës”.
Presidenti Ilir Meta këtë të enjte në një deklaratë për mediat insistonte për rëndësinë e dialogut për një zgjidhje sa më të shpejtë të krizës, ndërsa shprehej se nuk është momenti për prova force, për retorikë përçarëse dhe provokuese.
Deklarata e Metës:
U bënë dhjetë ditë që është në fuqi dekreti i Presidentit të Republikës për anulimin e datës së zgjedhjeve më datë 30 qershor, me qëllim qetësimin e situatës dhe krijimin e mundësive për dialog, që do të normalizonte situatën politike dhe do të krijonte mundësinë për një datë të re të zgjedhjeve vendore, gjithëpërfshirëse dhe demokratike”.
