Shkodra këtë pasdite është “ndarë” në dy pjesë, një pjesë që ndodhet në miting me “këngë e valle” me Ramën dhe pjesa tjetër që proteston dhe përballet me gaz lotsjellës.
Pikërisht nga pjesa e protestës vjen një foto “epike” që tregon një grua të vetme duke iu vënë përballë forcave të policisë të veshur deri në dhëmbë.
Gruaja i ka dhënë zemër edhe protestuesve të tjerë, të cilët në këtë moment për shkak të gazit lotsjellës, ishin larguar nga zona.
Bëhet fjalë për protestuesen që përpara një ore shfaqej e shtrirë në tokë pa ndjenja. Thuhet se policia e spërkati me ‘spray’ dhe ajo më pas ra në tokë pa ndjenja.