Një skenë e denjë për filma aksion mund të quhet atentati i sotëm , në zonën e ish-kënetës në Durrës.
Autorët i ndoqën që nga Maminasi dhe sipas dëshmitarëve okularë, ndjekja zgjati për rreth 20 minuta.
Si pasojë e të shtënave mbetën të plagosur tre persona, ndërmjet tyre, Julian Meçaj dhe kunati i Lul Berishës, Plarent Dervishi, të cilët ndodhen jashtë rrezikut për jetën.
Meçaj u plagos me tre plumba, në kokë, shpatull dhe këmbë, ndërsa Dervishi ka marrë vetë një plumb.
Në mjetin e atentatorëve ndodhej një person me maskë që ka qëlluar drejt Range Roverit dhe shoferi.
Si pasojë e plumbave, xhami i përparmë i Range Roverit u bë shoshë.
Ndërkohë sipas informacioneve të fundit mjeti me të cilin autorët kryen atentatin ëshë gjetur i djegur në autostradën Tiranë-Durrës.