Mbrëmjen e djeshme në Kavajë u regjistrua në situatë e paprecedentë. Simpatizantë të PD, sëbashku me kreun e Bashkisë Isa Sakja, u drejtuar drejt KZAZ-së nr. 42, për të shkatërruar materialet zgjedhore.
Në përpjekje e sipër simpatizantët e PD-së hodhën gurë dhe molotovë në drejtim të policisë, ndërsa kjo e fundit u përgjigj me gaz lotësjellës.
Nga ana tjetër kreu i bashkisë mobilizioi zjarrëfikësit, të cilët filluar të hidhin ujë me presion drejt policisë.
Nga përlshja mbeti i lënduar një efektiv, ndërsa policët goditën me shkopa gome një qytetar.
Lidhur me këtë ngjarje, pas mbledhjes së provave materiale, policia arrestoi 6 persona, ndërmjet të cilëve punonjës të bashkisë, apo të enteve të tjera në administrim të bashkisë.
Gjithashtu janë shpallur në kërkim 25 persona, midis të cilëve edhe 12 punonjës të bashkisë së Kavajës.
Njoftimi i Policisë
– Në lidhje me ngjarjen e ndodhur më datë 19.06.2019, para KZAZ nr. 42 në Kavajë, u arrestuan në flagrancë, për veprat penale “Kundërshtimi i Punonjësit të Policisë Rendit Publik”, ’’Dëmtimi me dashje i materialit zgjedhor mbetur në tentativë”, “Organizimi dhe pjesëmarrja në grumbullime të paligjshme” dhe ‘’Shkatërrimi i pronës”, shtetasit:
Arrestimi i këtyre shtetasve u bë sepse:
Ne datën 19.06.2019 rreth orës 20:05, në lagjen nr. 3 në Kavajë, kanë marrë pjesë në një grumbullim të paligjshëm, me qëllim lirimin e ambienteve të shkollës “Tre dëshmorët”, ku ndodhet KZAZ nr. 42. Këta shtetas kanë tentuar te futen forcërisht në ambientet e shkollës ku ndodhet duke qëlluar me sende të forta, lëndë piroteknike dhe bomba “molotov”, punonjësit e Policisë me shërbim, në ruajtje të KZAZ-së.
Nga veprimet e dhunshme të këtyre personave është dëmtuar rrethimi i jashtëm i territorit të shkollës, në anën jugore, janë dëmtuar edhe dy portat metalike të shkollës, si dhe ka pësuar lëndime nga goditja me sende të forta, edhe një punonjës Policie.
Nga veprimet hetimore të kryera, këqyrja dhe analiza e pamjeve filmike, raportet e shërbimit, janë administruar të dhëna, fakte dhe prova, që vërtetojnë se shtetasit e mësipërm kanë konsumuar veprën penale: “Kundërshtimi i Punonjësit të Policisë së Rendit Publik”, ’’Dëmtimi me dashje i materialit zgjedhor mbetur në tentative”, “Organizimi dhe Pjesëmarrja në grumbullim të paligjshëm” dhe ‘’Shkatërrimi i pronës”.
Gjithashtu në lidhje me këtë ngjarje, u shpallën në kërkim policor 25 shtetas, 12 prej të cilëve punonjës të Bashkisë Kavajë.
Vijon puna për identifikimin e personave të tjerë të përfshirë në këtë ngjarje dhe dokumentimin e plotë të saj .
Materialet hetimore do t’i dërgohen Prokurorisë pranë Gjykatës së Shkallës së Parë Kavajë, për veprime të mëtejshme.