“Na duhesh për gjëra më të mëdhaja”, Ulsi Manja kyç gojën para gazetarëve për përgjimet

Ditën e djeshme, prestigjozja gjermane Bild, publikoi 10 përgjime të reja, që vërtetojnë manipulimin e zgjedhjeve të parakohshme në qarkun e Dibrës.

Në një prej përgjimeve shfaqet deputeti Ulsi Manja, i cili bisedon me shefin e policisë së Dibrës, Robert Agën.

Ky i fundit i kërkon Manjës, për ta transferuar në Bulqizë.

Manja nga ana tjetër i thotë se po mendojnë për një pozicion më të lartë.

Ndërkohë gazetarët e kanë pyetur sot Manjën jashtë sallës së Parlamentit në lidhje me këto përgjime.

Manja u tha gazetarëve:

Për çështje të drejtësisë flet drejtësia… mos u nxitoni

Më tej gazetarët e kanë pyetur nëse mban përgjegjësi për përgjimet e publikuara ditën e djeshme.

Kësaj pyetje Manja nuk ka pranuar t'i japë përgjigje, duke iu shmangur gazetarëve.