Një 17 vjeçar përfundoi me nofull të thyer, djegie në gojë dhe buzë, si dhe humbi disa dhëmbë, pasi një vape (lloj cigareje që shërben pë të lënë duhanin) i shpërtheu në gojë.
Austin Adams nisi të përdorte vapet për të lënë duhanin. Ai po përdorte pajisjet e kompanisë VGOD, në momentin që cigarja i shpërtheu dhe i shkaktoi dëme të mëdha shëndetësore.
Mamaja e Austin, Kailani Burton, tregoi se i biri ishte në gjendje shoku kur u kthye në shtëpi dhe po mbante gojën me dorë.
Familjes nga Ely, Nevada, iu desh të udhëtonte 5 orë për të gjetur spitalin më të afërt që mund t'i ofronte Austinit ndihmën e nevojshme dhe që kishte pajisjet për të kuruar dëmet që i ishin shkaktuar të riut.
Katie Russell, një prej mjekëve kirurgë që trajtoi Austinin, tha se 17-vjeçari kishte një dëmtim të madh në pjesën e gojës, thyerje në nofull dhe djegie në buzë.
Administrata e Ushqimit dhe Drogës (FDA) përfundoi së fundi procedurat e udhëzimit për prodhuesit e e-cigareve dhe vape-ve, duke rekomanduar kompanitë të japin informacion të detajuar për llojin e baterive që përdorin dhe shancet e mbinxehjes.
Sipas FDA, shpërthime të tilla si ky ndodhin kur bateritë që kanë në përbërje litium dhe jon, mbinxehen.
FDA është përgjegjëse për rregullimin e të gjitha produkteve të lidhura me duhanin, duke përfshirë edhe cigaret elektronike, në SHBA.
Burimi: Unilad|Përktheu dhe përshtati: JOQ Albania