Ditën e djeshme i gjithë vendi u përfshi nga një valë protestash.
Në disa prej qyteteve të vendit, simpatizantë të PD shkatërruan KZAZ-të dhe tentuan që të prishnin materialet zgjedhore.
Në përpjekje e sipër ata u përplasën me policinë, e cila kishte marë urdhër për ruajtjen e KZAZ-ve.
Një situatë e tillë u regjistrua edhe në Berat. Pas përfundimit të trazirave, policia ka proceduar në gjendje të lirë 40 persona.
Në mesin e të proceduarve janë edhe zyrtarë të Bashkisë së Beratit dhe të Policisë Bashkiake, shto këtu edhe Sekretarin Organizativ të Bashkisë së Beratit.
Njoftimi i policisë
Berat
Në lidhje me ngjarjen e ndodhur dje më datë 19.06.2019, ku disa shtetas kanë tentuar të futen forcërisht në ambjentet e KZAZ nr 64 (tek Pallati i Kulturës Berat) dhe në ambjentet e KZAZ nr 66 (tek Pallati Kulturës Skrapar) Specialistët e Seksionit për Krimet pranë Komisariatit Berat dhe Skrapar pas veprimeve hetimore, identifikimin e personave me anë të pamjeve filmike dhe fotografike të administruara nga policia kanë referuar në gjendje të lirë 40 shtetas:
Konkretisht:
E.B, 34 vjeç, banues në Tiranë (Sekretar Organizativ i PD)
B.B, 35 vjeç, banues në Berat (N/Kryetar i Bashkisë Berat)
H.S, 50 vjeçe, banuese në Berat (N/Kryetare e Bashkisë Berat)
M.K, 32 vjeç, banues në Skrapar (Drejtor i Ndërmarjes së shërbimit publik)
K.Gj, 64 vjeç, (Shefi i Policisë Bashkiake Berat),
G.P, M.M, A.R, D.B, F.C, M.K, E.D punonjës të policisë Bashkiake Berat.
A.Z, A.G, J.M, A.Ç, A.I punonjës të policisë Bashkiake Skrapar.
Si dhe G.A, M.H, B.H, F.K, SH.M, K.E, E.Ç, M.V, R.Ç, S.Z, R.H, P.GJ, E.T, A.C, A.H, A.G, E.A, R.B, I.H, E.H, N.G, I.B, K.M, punonjës pranë këtyre bashkive dhe qytetarë.
Materialet në ngarkim të këtyre shtetasve u referuan në Prokurorinë e Rrethit Gjyqësor Berat për veprat penale “Organizimi dhe pjesëmarrja në grumbullime e manifestime të paligjëshme”, “Kundërshtim i punonjësit të policisë së rendit publik”, “Prishja e qetësisë publike” dhe “Shkatërrim prone”.
