Përgjimi 3/”Mos e rruj ka*in, s’na ha trapi për ata legenat”, Tahiri kapet në përgjim me shefin e policisë së Dibrës

Bild ka publikuar ditën e sotme 10 përgjime të reja nga dosja 184. Në përgjime tregohet sesi PS ka manipuluar procesin zgjedhor në Dibër.

Në përgjimin e tretë, deputeti socialist, Xhemal Qefalia bisedon me shefin e policisë, Robert Aga dhe i thotë se ndodhet në një tavolinë me kryeministrin Edi Rama, dhe ministrat.

Më tej ai i thotë Agës se do t'i mbushë mendjen Ramës për ta transferuar në një pozicion më të mirë, pas punës së bërë për PS-në.

Aga nga ana tjetër përgjigjet se nuk është i shqetësuar për këtë pjesë, pasi është një vendim i partisë. Më tej Aga bisedon edhe me ish-ministrin Saimir Tahiri i cili e falenderon.

Tahiri i thotë:

Nuk shkon kjo punë që më jep Xhemali telefonin që të të falenderoj unë. Nga pikëpamja institucionale nuk shkon. Megjithatë shumë faleminderit për angazhimin, je i madh. Edhe mos e rruj k*rin për atë që thonë ata se s'na ha trapi për ata legenat.

Nga ana tjetër Robert Aga i thotë se e ka për detyrë dhe se është ushtar i tij.

Më tej Aga bisedon edhe me Ulsi Manjën dhe i kërkon transferimin në Bulqizë.

Nga ana tjetër Manja i thotë se ajo është diçka e vogël.

Telefoni i kalon sërish Xhemal Qefalisë i cili i thotë Agës:

Mos e çaj k*rin se je shoku im.