Greqia, kushte Shqipërisë: Negociatat varen nga sjellja me minoritetin dhe Himara

Ministri i Jashtëm grek, Georgios Katrougkalos, është shprehur se për herë të parë Këshilli ka vendosur të përcaktohen zyrtarisht si kritere për integrimin e Shqipërisë në BE, respektimi i drejtave të pronësisë të minoritetit si dhe e drejta e vetë përcaktimit.

Këtë deklaratë ai e ka bërë në një emision në televizionin publik “ERT”.

Katrougkalos është shprehur:

Ky vendim është një sukses i rëndësishëm në radhë të parë për mbrojtjet e të drejtave të minoritetit tonë në Shqipëri. Për herë të parë në mënyre kaq të qartë lidhet perspektiva europiane e Shqipërisë me respektimin e të drejtave të minoritetit në zonën e Himarës dhe jo vetëm, dhe me e rëndësishme është e drejta e vetë deklarimit.”

Në pikën pesë të Konkluzioneve të Këshillit mbi zgjerimin dhe procesin e stabilizimit dhe asocimit i vihet theksi ‘rritjes së përpjekjeve në lidhje me mbrojtjen e të drejtave themelore,përfshirë të drejtat e personave që i përkasin pakicave kombëtare, zbatimit të angazhimeve të marra në lidhje me vetë-deklarimin objektiv dhe të lirë, trajtimin jo-diskriminues të pakicave kombëtare dhe kërkohet të përballohet diskriminimi i grupeve vulnerabël, si romët apo ato me preferencë të ndryshme seksuale.(LGBTI).’

Më tej shtohet edhe se duhet gjithashtu të sigurohet e drejta për pronën.

Edhe per shefin e departamentit të jashtëm të Demokracisë së Re, Jorgos Koumoutsakos vlerësohet se Konkluzioni përbën një raport pozitiv, njofton TCH.