50-vjeçari James Vonderdell është dënuar me 14 muaj burg basi ka grabitur me “armë”.
Në fakt, Vonderdell u fut në bankë duke mbajtur në dorë një banane të fshehur brenda një qese plastike.
Por, personi që po qëndronte tek kasa nuk kishte nga ta dinte që grabitësi nuk kishte armë në dorë, dhe i dorëzoi paratë që kishte.
Me bananen në dorë, James arriti të merrte më shumë se 1,100 paund nga kasa dhe u largua. Mendimi që të vjen në mendje tani është që ai ia mbathi bashkë me paratë, por ky nuk është rasti.
50-vjeçari shkoi tek policët e parë që i zunë sytë dhe u tha se sapo kishte bërë një grabitje me armë në një bankë dhe se donte të arrestohej.
Policët i thanë që të shkonte tek një stacion policie dhe të rrëfehej.
Në gjykatën e Crown Court në Bournemouth, u mor vesh se Vonderdell ishte gati duke humbur shtëpinë dhe për këtë arsye donte që të mos mbetej pa një çati mbi kokë.
Avokatja e tij Anne-Marie Garvie i tha gjykatës se klienti i saj kishte 'asnjë qëllim të lëndonte askënd' dhe se ai e kishte kryer krimin vetëm që të mos mbetej i pastrehë, pra të strehohej në burg.
Ai madje i kishte kthyer paratë e vjedhura një më një.
Si përfundim, James Vonderdell u dënua me 14 muaj burg.
Burimi:LAD BIBLE|Përktheu dhe përshtati: JOQ Albania