Që prej mbrëmjes së djeshme Shqipëria ndodhet nën një klimë të tensionuar.
Simpatizantë të PD janë ngritur në protestë në disa prej qyteteve të vendit. Ata dhe policia bashkiake janë përplasur me policinë e rendit, në përpjekje për të hyrë brenda KZAZ-ve dhe për të shkatërruar materialet zgjedhore.
Mësohet se pak momente më parë është arrestuar ish-deputetja e PD, Dhurata Çupi dhe kryetarja e FRPD, Denisa Vata. Arrestimet erdhën pas trazirave në KZAZ-të e Dibrës.
Policia përgënjeshtroi gjithçka duke thënë se Çupi nuk ishte shoqëruar, por kjo e fundit është përgjigjur se dy persona me maska i kanë marrë për shoqërim atë dhe kryetaren e FRPD në Burrel Denisa Vata, pasi kjo e fundit ka bërë publike foton.
Zyra e shtypit të PD bëri me dije se Çupi ishte lënë e lirë pas shoqërimit.
Ndërkohë gjatë ditës së sotme është arrestuar edhe ish-deputeti tjetër i PD, Bardh Spahia.