Edhe pse e nisi mirë Kupën e Amerikës, te ndeshja e dytë Brazili ka dalë huq. Skadra e drejtuar nga Tite është ndalur në barazim pa gola 0-0 ndaj Venezuelës.
Ndeshja ka qenë e jashtëzakonshme, teksa habi bën fakti se kombëtarja braziliane e gjeti plot tre herë golin dhe në të treja rastet ndërhyri sistemi VAR.
Fillimisht ishte Roberto Firmino, i cili shënoi në fundin e pjesës së parë, por gjithçka u anulua si pasojë e një faulli ndaj kundërshtarit.
Në fraksionin e dytë ishte Gabriel Zhesus që shënoi, por përsëri festa zgjati shumë pak, teksa arbitri e anuloi golin për pozicion të parregullt.
Në minutën e 87-të Kutinjo shënoi sërish, duke nisur festën, por pas disa minutave kaos, gjithçka u anulua përsëri me arbitrin që akordoi faull për prekje me dorë nga Firmino.
Ndërkohë në këtë grup, Peruja mposhti 3-1 Bolivinë. Pas këtyre ndeshjeve Brazili kryeson grupin A me 4 pikë, po aq sa Peruja, Venezuela ndjek me 2 pikë, ndërsa në fund renditet Bolivia me 0 pikë.
