Një turisteje britanike i është ndaluar hyrja në Shtetet e Bashkuara të Amerikës pë 10 vite pasi pranoi të kishte marrë kokainë përpara dy viteve.
28-vjeçarja, Isabella Brazier-Jones udhëtoi nga Londra në Los Anxhelos me miken e saj Olivia Cura, por udhëtimi i tyre i ëndërrave u shkoi për ters.
Kur arritën në SHBA, ato u pyetën nga zyrtarët e emigracionit për kohën e qëndrimit të tyre, dhe pasi gjetën një mesazh në telefonin e Isabella-s ku përmendej kokaina, i futën edhe në një qeli.
Ata e pyetën nëse ajo kishte marrë ndonjëherë kokainë dhe ajo e pranoi të kishte thithur me hundë një vijë në vitin 2017.
Menjëherë pas kësaj, dy vajzat i priste burgu për 24 orë përpara se të ktheheshin në Britani sërish.
Të dyja ato kishin shpenzuar 3.500 paund për strehim, fluturime dhe makinë me qira dhe tashmë të gjitha u shkuan më kot.
Zyrtarët amerikanë janë të njohur për politikat e tyre të rrepta të emigracionit, të cilat janë ashprësuar më shumë pasi Donald Trump u bë president.
Burimi:Mail Online|Përktheu dhe përshtati: JOQ Albania