Arrestimi i Michel Platini ditën e sotme, ka tronditur botën e futbollit. Francezi akuzohet se ka favorizuar Katarin, për Botërorin e 2022-shit. Në lidhje me këtë ngjarje ka reaguar edhe ish-presidenti i FIFA-s, Sepp Blatter.
Ky i fundit ka treguar një bisedë mes tij dhe Platini. Blatter u shpreh, se Platini i kishte thënë se kishte zhvilluar një takim me ish-presidentin francez Nikolas Sarkozi në pallatin e Elizesë më 23 nëntor të 2010-ës, pak ditë para se të bëhej votimi për Botërorin e 2020-ës, i cili i kishte thënë se ai dhe miqtë e tij, duhet të votonin Katarin për interesa ekonomike kombëtare.
Më pas Blatter e pyet ish-lojtarin e Juventus, nëse Sarkozi i ka bërë presion dhe ky i fundit përgjigjet negativisht. Ndërkohë në zgjedhjet e zhvilluara, katër votat e Platini dhe miqve të tij, shpallën fitues Katarin në vend të SHBA-ve.
Prokuroria franceze nisi një hetim në 2016-ën, për një drekë ku merrnin pjesë Sarkozy, Platini, emiri i Katarit, Tamim bin Hamad al-Thani dhe sheiku Hamad bin Jassem. Në drekë ishte i pranishëm edhe Sophie Dion, këshilltarja e Sarkozi për sportin dhe Claude Gueant, sekretari i përgjithshëm i Elizesë.
Të gjithë këta persona janë përfshirë në hetim nga zyra antikorrupsion. Platini ndërkohë u thirr si dëshmitar në dhjetor të 2017-ës dhe në dëshminë e tij, tha se e kishte ndarë mendjen se do të votonte Katarin edhe para drekës.
Burimi: Sportmediaset|Përktheu dhe përshtati: JOQ Albania