Para pak minutash, në Nyon të Zvicrës është hedhur shorti për turin e parë eliminator të Champions League.
Pjesëmarrëse në këtë kompeticion prestigjoz nga skuadrat shqiptare është Partizani, i cili u shpall kampion pas 26 vitesh.
Për fatin e keq, goglat kanë vendosur që Partizani të përballet me ekipin e Azerbajxhanit, Qarabag.
Një kundërshtar i vështirë ky për të kuqtë, pasi ka një buxhet shumë herë më të madh se kampionët e Shqipërisë.
Kujtojmë që Qarabagu është ish-skuadra e Ansi Agollit. Ish-kapiteni kuqezi ka luajtur për shumë vite me këtë skuadër.
Ndeshjet e para do të luhen në datën 9 dhe 10 korrik, ndërsa ato të kthimit një javë më pas me 16 dhe 17 korrik.