Totti largohet nga Roma pas 30 vitesh: Do ndihesha më mirë nëse do kisha vdekur

Pasi përjetoi dhumbjen e madhe kur u nda nga Roma si futbollist, tashmë Françesko Toti përjeton zyrtarisht largimin e dytë dhe atë përfundimtar nga ekipi kryeqytetas.

Legjenda e futbollit italian prej dy vitesh si drejtor i ekipit, largohet përfundimisht nga Roma pas plot 30 viteve.

Ai ka zyrtarizuar gjithçka përmes një konference ku është shprehur se ishte vendim i vështirë dhe më mirë do kishte preferuar vdekjen para këtij vendimi.

Ai u shpreh:

Nëse do të rikthehem te Roma, mund të jetë me pronar të rinj. Mbi të gjitha, në rast se pronarët e rinj kanë besim tek unë do të ishte e mrekullueshme. Ajo që mund të them është që kurrë nuk do ta lëndoj Romën. Kjo është shumë herë më e vështirë se sa të tërhiqesha si lojtar. Të lësh Romën është si të vdesësh. Do të ndihesha më mirë nëse do të kisha vdekur.”