Është mbajtur sot, konferenca për shtyp në ambientet e klubit të Partizanit, aty ku është prezantuar edhe trajneri i ri i të kuqve. Bëhet fjalë për një trajner të njohur italian si Franko Lerda i cili do pasojë në këtë post Skënder Gegën e larguar.
Lerda, në fjalën e tij të parë si trajner i Partizanit është shprehur se është kënaqësi për të që do drejtojë këtë klub ndërsa shtoi se objektivi është të ndërtojnë mentalitet, stil dhe imazh për skuadrën.
Ai u shpreh:
Për mua është kënaqësi të jem këtu në këtë vend të ri. Vend i cili është i afërt edhe nga ana kulturore me Italinë. Jam krenar që do të përfaqësoj këtë klub. E njihja si klub. Objektivi ynë primar është të përgatitim ndeshjet e Champions, i pari është të përgatsim sa më mirë ndeshjen. Duke folur me drejtorin Rama dhe presidentin, objektivi ynë është të krijojmë mentalitet, stil e imazh për skuadrën. Do të mundohemi të ruajmë statusin e kampionit pasi primare është të rijmë para. Por çdokush ka stilin e tij të lojës. E di që nuk është e lehtë por do të mundojmë të bëjmë më mirë. Komplimenta trajnerit të mëparshëm se ka bërë diçka të rëndësishme sepse klubi nuk fitonte prej shumë kohësh titullin dhe e ktheu. Projekti që më ka treguar Olsi e presidenti është ambicioz. Unë jam ambicioz. Vij në një realitet të panjohur por ekzistojnë mundësitë për të eliminuar ato që cilësohen si pengesa. Unë kam drejtuar edhe shqiptarë në Itali si Memushaj e Çani, të cilin e bëra unë të debutonte. Frikën ua lë të tjerëve, unë nuk kam frikë. Unë punoj, mendoj të punoj sa më mirë".