Diego Armando Maradona nuk do të jetë më trajner i klubit meksikan, Dorados Sinaloa.
Argjentinasi e drejtoi këtë skuadër për 6 muaj, madje iu afrua ngjitjes në elitë, por nuk ia dolën në ndeshjen vendimtare të "Play-Off"
Shkak për largimin e tij nga ekipi, është bërë gjendja e tij shëndetësore, pasi duhet t’i nënshtrohet dy ndërhyrjeve kirurgjikale.
Mjekët i kanë bërë të qartë se nuk mund të vazhdonte me të njëjtin ritëm pas operacioneve që do të bëjë në shpatull dhe në gju, ndaj Maradona ka vendosur të shkëpusë marrëveshjen.
Njoftimi i klubit meksikan:
Kujtojmë që Maradona ka pasur probleme të shpeshta shëndetësore kohët e fundit, madje ai i është rikthyer normalisht konsumimit të alkoolit dhe drogërave, ndaj mjekët po bëjnë çmos që ta rikthejnë në normalitet.
Burimi: Goal.com| Përshtati: JOQ Albania