Po bëhen gati tre vite prej kohës kur Brad Pitt dhe Angelina Jolie dhanë zyrtarisht lajmin e ndarjes së tyre, mirëpo, siç duket, ligjërisht divorci është ende në proces e sipër.
Këtë herë ka qenë Brad ai që i ka dhënë ultimatumin ish-bashkëshortes, për të firmosur dokumentet e ndarjes ligjore.
Aktori 55 vjeçar ka marrë këtë vendim pasi ka frikë se procedurat për divorc mund të zgjasin edhe disa vite të tjera.
Është raportuar se skuadra ligjore e Bradit do të fillojë të shtrëngojë Angelinën, pasi sipas tyre, ajo po zvarrit nënshkrimin e letrave të divorcit.
The Sun ka raportuar se Bradi i ka udhëzuar avokatët e tij që të gjendet një gjykatës, i cili do të imponojë datën përfundimtare të divorcit dhe të vendosë sanksione e gjoba ndaj palëve, në rast se refuzojën të paraqiten.
Edhe pse është munduar të jetë shumë i duruar gjatë procesit të divorcit, çdo gjë e ka një limit për aktorin.
Një burim ka thënë se gjërat janë zvarritur aq shumë, saqë ai nuk mban më. Burimi shton se 55-vjeçari është i lodhur nga ndryshimi i herë pas hershëm i Angelina Jolie dhe nga shtyrja e divorcit për kaq shumë vite.
Thuhet se Jolie vepron në këtë mënyrë, pasi shpreson që aktori të ndryshojë mendjen e të kthehet sërish me të.
Burimi: Mirror |Përktheu dhe përshtati: JOQ Albania
