E quajtën gënjeshtar, reporteri i Bild reagon sërish: Jam i shqetësuar për dy gjëra

Përgjimet e publikuara nga Bild mëngjesin e sotëm kanë shkaktuar një tërmet të vërtetë në politikën shqiptare.

Në përgjime provohen me fakte lidhjet e kreut të Bashkisë së Durrësit, Vangjush Dako dhe zyrtarëve të tjerë socialistë, me elementë kriminalë, siç është i forti i Shijakut, Astrit Avdylaj.

Vetë reporteri i Bild, Peter Tiede ka bërë një postim në Twitter ku ka vendosur edhe versionin në shqip.

Tiede shkruan:

Dëgjoni vetë: Kështu mafia ble vota në Shqipëri

Ndërkohë në një reagim të pak orëve më parë, kreu i Komisionit të Ligjeve, Ulsi Manja, mohoi publikisht, përmendjen e lëkëve në përgjime.

Manja kërkoi nisjen e hetimeve për nxjerrjen e sekretit hetimor, ndërsa tha se artikulli i Bild kërkon të destabilizojë Shqipërinë.

Pikërisht kjo deklaratë e Manjës nuk i ka pëlqyer aspak reporterit gjerman. Ai ka reaguar sërisht, por kësaj radhe në Facebook.

Tiede ka shkruar ndër të tjera:

Siç e dini disa nga përgjimet e dosjes 339, e cila është nën hetim, u publikuan sot. Unë nuk do të flas për hetimin dhe fatin e personave të përmendur. Unë jam i shqetësuar për dy gjëra. E para është Prokuroria dhe Policia Gjyqësore që çështjet me interes publik i quajnë sekrete hetimore. Si dhe investigimi për hetuesit që i dërguan përgjimet zyrës së PD-së.

Më tej Tiede shton se nisja e hetimeve nga Prokuroria për nxjerrjen e përgjimeve tregon se janë të vërteta.

Tiede shkruan:

Për shkak se Shqipëria është përmbysur përsëri për shkak të një artikulli tim, shpirtrat e këqinj të qeverisë po përpiqen të më nxjerrin gënjeshtar. Unë i jam veçanërisht mirënjohës Zyrës së Prokurorit të Përgjithshëm në Tiranë, e cila, konfirmon qartë vërtetësinë e përmbajtjes së regjistrimeve të përgjimit, të cilat i kemi bërë publike sot.

Dëgjoni vetë: Kështu mafia ble vota në Shqipëri @BILD_Politik #albania#Albanien: #Drogen #Mafia manipuliert Wahlen. Das zeigen Abhörprotokolle https://t.co/FP7j3qlllq

— Peter Tiede (@PeterTiede) June 5, 2019