Gjatë ditës së sotme besimtarët myslimanë kremtojnë festën e Fitër Bajramit.
Kujtojmë këtu se pas Muajit të shenjtë të Ramazanit, ceremonia e festimit të kësaj feste myslimane fillon me faljen e namazit të mëngjesit.
Fitër Bajrami pason Muajin e shenjtë të Ramazanit, gjatë të cilit sipas besimit Islam agjërohet 30 ditë në shenjë sakrifice dhe përkushtimi ndaj Zotit.
Në varësi të shikimit të hënës, festimet e Bajramit do të jenë të vendosura në dy ditë, të martën dhe të mërkurën.
Europa, Arabia Saudite, Kuvajti, Katari dhe Emiratet e Bashkuara e filluan festimin e Bajramit të martën.
Ndërsa vende si Egjipti, Siria, Jordania, Indonezia, Japonia, Malajzia, Tajlanda, Pakistani, Australia do ta festojnë të mërkurën.
Bajrami festohet për 3 ditë dhe është një festë zyrtare në të gjitha vendet me shumicë myslimane.
Gatimet që gatuhen në këtë ditë janë?
Dita e Fitër Bajramit është një ditë feste, ku tavolinat mbushen plot e ku ka disa ushqime tradicionalë që shoqërojnë këtë festë ndër vite. Kështu, ndër shumë besimtarë myslimanë ka mbetur si traditë që në ditën e bajramit për mëngjes të kenë oriz dhe pite. Ëmbëlsira është pjesë e rëndësishme e kësaj dite.
Ajo nuk duhet të mungojë në tavolinën e asnjë besimtari mysliman. Ëmbëlsira e parë pas mëngjesit në ditën e Fitër Bajramit është bakllavaja, por edhe revania është një ndër ëmbëlsirat që përgatiten për këtë festë.
Po ashtu një ëmbëlsirë që nuk duhet të mungojë është edhe kadaifi.
Gjithashtu gjatë ditës së sotme një foto po bën xhiron e rrjetit. Pamjet e kësaj fotoje tregojnë një vogëlushja me fjongon rozë e rrethuar nga lutjet e besimtarëve. Fotoja është shkrepur nga Florion Goga.
