Acarohet moderatorja e sportit: Mos më thoni miss, më ulni nivelin

Hygerta Sako është një prej moderatoreve të sportit më të spikatura në vendin tonë.

Ajo arriti të katapultohej në ekranet mediatike falë fitores së kurorës në Miss Shqipëria, shumë vite më parë.

Por edhe pse prej kohësh moderon emisione të ndryshme, publiku vijon ta identifikojë si Miss, e kjo gjë, siç tha dhe vetë Sako për “Thumb”, e acaron atë.

Sipas Hygertës, etiketimi si miss i ul vlerat e shumë viteve karrierë dhe punë.

Më tej moderatorja kujton se miss ka qenë 24 vite më parë.

Për “Thumb” Hygerta Sako deklaroi:

Nuk më thonë as ish-miss po miss. Po ka patur momente të tilla (që acarohem), se ajo ideja e miss-it e një vajze të vogël, e një vajze të re, që është pak çfarë fluturon hahet. Kur më thonë missi më duket sikur më ulin vlerat e shumë viteve karrierë apo e shumë viteve që kam punuar. Sikur më zvogëlojnë staturën që jam munduar të arrij. Unë mundohem të them që jam një miss i 24 vjetëve përpara kështu që ju lutem ma hiqni këtë nofkën po që njerëzit janë fiksuar."