Adoleshentët detyrojnë pitbullat të kacafyten për baste, vlonjati i indinjuar nga mosreagimi i policisë

Ndeshjet me kafshë janë kategorikisht të ndaluara dhe të dënueshme nga ligji.

Megjithatë ligji nuk përbën pengesë, për adoleshentët, të cilët vazhdojnë ende të organizojnë ndeshje me qen.

Një qytetar nga Vlora ka denoncuar një rast të tillë në zonën e plazhit të vjetër.

Ai thotë se adoleshentë të moshave 14-15 vjeç, organizojnë ndeshje me pitbulla, si dhe vendosin baste.

Vlonjati shton më tej se ka lajmëruar disa herë policinë, por kjo e fundit nuk e ka vënë aspak ujin në zjarr.

Pitbulli është një rracë qeni shumë e rrezikshme dhe kafshimi i tij mund të shkakojë probleme serioze.

Gjithashtu në redaksinë e JOQ Albania kanë mbërritur një sërë denoncimesh, për pitbullë të cilët lëvizin në rrugë të lirë dhe pa pronar, duke u bërë rrezik serioz për banorët.

Mesazhi për JOQ Albania

Respect per punen e madhe dhe te pa lodhur qe beni per te marre shembull. u lutem do te kisha nevoje per ndihmen tuaj ne kete rast!! Une jam nje qytetar nga Vlora dhe gjithashtu adhurues I kafsheve gjithmone ne plazhin e vjeter ne Vlore femije te moshave 14-15 bejne ndeshje me qen duke I ven ne baste! Kam lajmeruar shume here policine por “as nuk e Kane levizur b*then” ( scusami per fjalorin )"