Këngëtari i njohur italian, Marco Carta është arrestuar mbrëmjen e djeshme nga policia e Milanos nën akuzën e vjedhjes.
34-vjeçari është ndalur fillimisht nga rojet e sigurisë së Rinascente, magazina të mëdha luksi. Ai ishte në shoqërinë e një gruaje 53-vjeçare. Të dy po mundoheshin të dilnin nga magazinat pa u vënë re, teksa kishin vjedhur edhe gjashtë bluza me vlerë 1200 euro.
Këngëtari nuk kishte mundur të hiqte dot elementin plastik të sigurisë, i cili ndodhej i ngjitur në bluzë duke shkaktuar kështu ndezjen e alarmit.
Më tej, roja ka telefonuar policinë, e cila ka bërë ndalimin e më tej arrestimin e gruas dhe këngëtarit të njohur. Të dy janë lënë në arrest shtëpie, deri në momentin kur do të zhvillohet seanca gjyqësore.
Sipas mediave italiane, vepra penale e kryer nga Carta dënohet me 2 deri në 6 vite burg si dhe me gjobë nga 920 deri në 1500 euro.
Burimi: milano.fanpage.it | Përktheu dhe përshtati: JOQ Albania