1500 efektivë do të zbarkojnë pasditen e sotme në terren dhe do të jenë në gatishmëri gjatë protestës së 6-të kombëtare të opozitës së bashkuar.
Forcat RENEA, Shqiponjat dhe FSHN do të rrethojnë Bulevardin Dëshmorët e kombit teksa është mësuar se në majat e ndërtesave përreth kryeministrisë janë vendosur edhe efektivë të tjerë të pajisur me snajperë.
Policia ka vendosur në objektet rreth kryeministrisë dhe në shtylla, kamera me rezolucion të lartë për të identifikuar protestuesit dhe personat problematikë.
Nuk dihet nëse do të ketë dhunë në protestën e sotme por kujtojmë se në 5 protestat e kaluara ka pasur përplasje dhe gaz lotsjellës të përdorur nga policia.