Myslim Murrizi një prej ish-deputetëve të PD, i cili refuzoi djegien e mandatit dhe i doli kundër Bashës vijon të qëndrojë në parlament me qëndrim kritik ndaj Rilindjes gjatë minutazhit në foltore.
Megjithëse ashtu siç ua paraqesin shqiptarëve, ajo çfarë ndodh brenda mureve të Kuvendit është thjesht një show mediatik, pasi jashtë parlamentit PD e PS bëhen bashkë për t’u argëtuar.
Megjithëse populli shqiptar i sheh me një sy kritik dhe aspak miqësor, me sa duket, në mënyrë të habitshme, miqësia jashtë bindjeve politike qenka gjëja më e rëndësishme për Murrizin dhe disa prej ish-ministrave të shkarkuar të Ramës.
Ahmetaj, Gjiknuri, Peleshi dhe Bushati nuk kanë të përbashkët vetëm faktin që u shkarkuan nga Rama, por ata shihen bashkë kudo që ecin teksa janë deputetë të thjeshtë të PS.
Sipas një fotoje të publikuar nga “Panorama”, këtë të enjte ata janë ndaluar në rrugë nga ish-deputeti demokrat Myslim Murrizi.
Ky i fundit u ka treguar ish-ministrave socialistë diçka në celular dhe që të pestë kanë shpërthyer me të qeshura duke vënë në pah marrëdhëniet miqësore mes tyre, pavarësisht bindjeve politike dhe akuzave që u drejtojnë njëri-tjetrit brenda mureve të Kuvendit.