Ish-deputeti i Partisë Demokratike, Agron Shehaj ka reaguar me anë të një postimi në rrjetet sociale në lidhje me dhënien me koncesion të dy akseve “Orikum-Dukat” dhe “Milot-Balldre”.
Në postimin e tij Shehaj ka shkruar se dy koncesionet e fundit që sapo ka miratuar në rrugë janë zhvatje gjigante prej pothuajse 200 mln eurosh.
Më tej ai shkruan se qeveria e Edi Ramës është duke bërë një masakër mbi arkën dhe pasuritë publike.
Ndër të tjera ai shkruan se çdo ditë që Edi Rama qëndron në pushtet, Shqipërisë i grabiten miliona euro.
Në përfundim të postimit të tij ish-deputeti fton të gjithë qytetarët të na bashkohen në protestën e opozitës që do të zhvillohet në orën 19:00.
Postim i plotë:
Ndërkohë që vëmendja e opinionit publik është te kriza politike, Edi Rama nuk ndalon së vjedhuri shqiptarët. Dy koncesionet e fundit që sapo ka miratuar në rrugë janë zhvatje gjigante prej pothuajse 200 mln eurosh. Rruga Orikum-Dukat, 16 kilometra, do të rindërtohet, po me një korsi të vetme, dhe do të kushtojë afërsisht 70 milionë euro. Kostoja e vërtetë nuk shkon mbi 1 mln euro për kilometër, afersisht mbi 50 mln do të vidhen. Rruga Milot-Balldre, 17 kilometra, do të ketë një kosto skandaloze prej 256 milion eurosh. Sikurse e ka shpjeguar mjaft qartë gazetari Klodian Tomorri, 146 milionë euro nga to do të vidhen, dhe nuk ka pikë dyshimi se në xhepat e kujt do të shkojë shumica e tyre. Qeveria e Edi Ramës është masakër mbi arkën dhe pasuritë publike. Çdo ditë që Edi Rama qendron në pushtet, Shqipërisë i grabiten miliona euro. I ftoj të gjithë qytetarët të na bashkohen në protestëtn tonë sot për të ndalur plaçkitjen kombëtare të Edi Ramës!’’