JOQ Albania
Home

Arrihet marrëveshja për t’i konsideruar mbetjet plastike të rrezikshme
Shkruar nga: A Naçi | Publikuar më: 11/05/2019 17:24

  • Share
  • Share
  • Share
  • Share

Midis 180 vendeve vetëm Shtetet e Bashkuara të Amerikës nuk kanë pranuar t’i konsiderojnë mbetjet plastike si të rrezikshme.

Nga ana tjetër marrëveshja e arritur midis këtyre vendeve pritet ta reduktojë ndjeshëm sasinë e plastikës që përfundon në brigjet e oqeaneve të globit.

Mësohet se ujdia në të cilën kanë arritur 179 shtete të botës nënkupton se vendet firmtare duhet të monitorojnë e të gjurmojnë mijëra ton mbetjesh plastike jashtë kufijve të tyre.

Për të vendosur përfundimisht për këtë marrëveshje 1,400 përfaqësues u mblodhën në Gjenevë për 12 ditë diskutime në kuadër të programit mjedisor të OKB-së.

Rolph Payet, një prej zërave më të fuqishëm që  po lufton kundër ndryshimeve klimatike ka thënë se kjo marrëveshje i dërgon të gjithëve një mesazh të fortë politik, sektorit privat, konsumatorit, kujtdo, se ne duhet të bëjmë diçka patjetër.

Nga ana tjetër në Gjermani ministri i Zhvillimit, Gerd Müller ka bërë thirrje për ndalimin e plotë të qeseve plastike.