Flamingot bëhen banorë të përhershëm të lagunës së Nartës

Laguna e Nartës është nga më të të rëndësishmet në vendin tonë. Ajo ka një sipërfaqje prej 42 km katror dhe në të jetojnë shpendë nga më të larmishmit.

Pas ndalimit të moratoriumit të gjuetisë, në lagunë janë shtuar pelikanët, flamingot dhe rosat e egra.

Specialisti i zonave të mbrojtura, Florian Rustemi ka listuar disa nga llojet e shpendëve që jetojnë në lagunë.

Ai shprehet:

Ka shtim jo vetëm të flamengove por edhe të shumëllojshmëri zogjsh dimërues ujorë këtu në lagunën e Nartës. Kemi numëruar rreth 6 mijë flamengo. Kemi çafkën e bardhë, të vogël. Kemi e bardhë të madhe, kemi pelikanin kaçurrel, që kemi numëruar 10-20 pelikanë kaçurrelë këtu në lagunë. Janë rreth 34 lloje shpendësh dimërorë ujore këtu, që janë numëruar këtë vit në Nartë. Janë rreth 1700 individë.

Sipas specialistëve, Flamingot nuk po shtegëtojnë më nga laguna e Nartës dhe janë kthyer në banorë të përhershëm.

Ata janë një arsye më shumë për të vizituar këtë zonë të Shqipërisë, ku ndodhet edhe kisha e "Shën Mërisë" apo ishulli i Zvërnecit.