Vdekja e 25-vjeçares Rexhina Debrova tre ditë më parë në maternitetin e Elbasanit është kthyer në një kambanë alarmi, që shumë persona të shkruajnë në redaksinë e JOQ Albania dhe të tregojnë historitë e tyre të tmerrshme që kanë kaluar në spitale.
Kujtojmë këtu se Rexhina Debrova ndërroi jetë në sallën e operacionit 1 orë, pasi solli në jetë vajzën e saj.
Fillimisht u tha se 25-vjeçarja pësoi atak kardiak, por familjarët e së ndjerës akuzuan mjekët për pakujdesi dhe neglizhencë. Ata shprehen se kardiologu erdhi tre orë me vonesë.
Kurse ditën e djeshme gjykata vendosi të lërë të lirë kardiologun Mehmet Ibaj dhe reanimatorin Nikollaq Thana, të cilët u arrestuan për vdekjen e së resë.
Ndërsa mesditën e sotme një djalë i ri ka shkruar në redaksinë e JOQ Albania dhe ka treguar se një ngjarje që ai e ka parë në një maternitet në vendin tonë.
Djali i ri ka shkruar se ai ndodhej në maternitet, pasi motra e tij ishte duke lindur. I riu më tej tregon se vërtitej nëpër spital sepse nuk rrinte dot i ulur në një vend.
Ai thotë se teksa vërtitej nëpër spital kishte dëgjuar ulërima. Më pas kishte parë një vajzë të re, e cila kishte ardhur të lindte, por ai thotë se atë e kishin lënë në korridoret e spitalit sepse nuk kishte lekë.
Po ashtu ai ka treguar se vajza që kishin lënë në korridor ishte vetëm me vjehrrën dhe se ajo ishte vetëm 16 vjeç.
I riu ka shkruar se mjekët as nuk e prekin me dorë dhe as nuk donin t’ia dinin për të vetëm sepse nuk kishte para.
Në përfundim të mesazhit të tij ai tregon se ndihet shumë mirë që është larguar nga vendi ynë.
Mesazhi i plotë: