Tri ditë më parë një ngjarje e rëndë ndodhi në maternitetin e Elbasanit. 25-vjeçarja, Rexhina Debrova ndërroi jetë në sallën e operacionit 1 orë, pasi solli në jetë vajzën e saj.
Fillimisht u tha se 25-vjeçarja pësoi atak kardiak, por familjarët e së ndjerës akuzuan mjekët për pakujdesi dhe neglizhencë. Ata shprehen se kardiologu erdhi tre orë me vonesë.
Kurse ditën e djeshme gjykata vendosi të lërë të lirë kardiologun Mehmet Ibaj dhe reanimatorin Nikollaq Thana, të cilët u arrestuan për vdekjen e të resë.
Familjarët e Rexhinës protestuan gjatë ditës së djeshme, kurse sot janë zhvilluar homazhe për të renë në Elbasan.
Familjarët e të resë me britma dhe lot në sy ata kërkojnë drejtësi për të afërmen e tyre.
Por drejtësi, për Rexhina Debrovën po kërkohet edhe jashtë kufijve të Shqipërisë.
E themi këtë, pasi në redaksinë e JOQ Albania një vajzë e re ka shkruar për të treguar se gjatë ditës së sotme në spitalin e ‘’Faenza Ravenna’’ në Itali disa nëna kanë ndezur qirinj për 25-vjeçaren dhe kërkojnë drejtësi për të.
Vajza që ka shkruar thotë se i bashkohen dhimbjes së familjarëve të Rexhinës dhe protestës së tyre.
Mesazhi që ajo ka nisur në redaksinë e JOQ Albania:
Krahas këtij mesazhi vajza ka nisur edhe disa foto, ku dallohen nënat e reja që kanë ndezur qirinj për Rexhinën.