Mbeti pa këmbë e dorë prej luftës me meningjitin, 15-vjeçarja bën gjestin fisnik me 25 protezat e saj

Një adoleshente që përfundoi me dy këmbët dhe gjysmën e krahut të saj të amputuar ka vendosur që të dhurojë 25 protezat e saj për bamirësi.

15-vjeçarja Olivia Story, ishte vetëm dy vjet e gjysmë kur u përball me meningjitin dhe për t’i shpëtuar jetën mjekëve ju desh t’ia prisnin të dyja këmbët dhe njërin krah.

Kur Story ishte e vogël, familja e saj ngriti fonde për të siguruar që ajo gjithmonë do të kishte gjymtyrën që i duhej edhe nëse ato nuk ishin në dispozicion në NHS.

Tashmë që është rritur, adoleshentja përdor vetëm një palë proteza, ndërsa atë të krahut nuk e përdor më dhe ka mësuar të jetojë vetëm me një.

Ajo ka mbajtur vetëm protezat e këmbëve të vogla që kishte kur ishte ende fëmijë si dhe një palë të tjera rezervë.

Plot 25 të tjera i dhuroi për bamirësi për fëmijët në nevojë në Afrikë.

Olivia tha:

Unë shpresoj që të shkojnë në disa fëmijë që kanë nevojë për to dhe nuk mund të përballojnë këmbët e tyre, në mënyrë që ata të mund të ecin.”

Burimi: Mail Online| Përktheu dhe përshtati: JOQ Albania