Merr fund dilema, ja ku shkon dhjami që kishim kur humbasim peshë

Pothuajse çdo ditë dëgjojmë për persona që kanë shtuar shumë peshë dhe më pas janë kthyer në formë. Por, e keni pyetur ndonjë herë veten se ku shkon sasia e dhjamit pasi jeni dobësuar?

Në kuadër të një studimi, shkencëtarët u kanë bërë ekspertëve një pyetje të thjeshtë: Ku shkon dhjami kur humbim peshë?

Asistenti shkencor Ruben Meerman dhe Andrew Brown, profesor dhe udhëheqës i bioteknologjisë dhe shkencave biomolekulare në UNSW, kanë shpjeguar rezultatet e hulumtimit.

Brown thotë:

Keqkuptimi më i zakonshëm është se dhjami konvertohet në energji. Problemi me këtë teori është se e shkel ligjin e ruajtjes së materieve, të cilit i binden të gjithë reaksionet kimike.”

Të anketuarit tjerë kanë thënë se dhjami konvertohet në muskuj, gjë e cila është e pamundur. Ndërsa të tjerë besojnë se largohet nga trupi përmes zorrës së trashë, por, si duket, edhe kjo teori është e pasaktë.

Sipas ekspertëve, në fakt, dhjami konvertohet në dyoksid karboni dhe ujë. Dyoksidi i karbonit lirohet me frymënxjerrje ndërsa uji përzihet në qarkullimin tuaj derisa të humbet si urinë ose si djersë.