Në datën 9 prill të këtij viti miliona euro u grabitën në aeroportin e Rinasit, brenda pak sekontave. Nga dita e grabitjes e deri më sot kanë vazhduar hetimet për të rënë në gjurmët e autorëve edhe pse njëri nga autorët e ngjarjes, Admir Murataj mbeti i pajetë.
Sipas informacioenve sot mësohet se unofrmat blu kanë arrestuar 4 persona, të cilët dyshohet se kanë lidhje me supergrabitjen.
Mësohet se tre prej tyre janë bashkëpunëtorë ndërsa njëri prej të arrestuarve dyshohet se ka marrë pjesë në grabitje. Policia ka ushtruar kontrolle të shumta në Elbasan, Fushë-Krujë dhe Tiranë. Nga Policia dhe Prokuroria ende nuk janë dhënë detaje për personat e arrestuar, por pritet që shumë shpejtë të kenë një komunikim zyrtar, ku do të bëhen publik dhe emrat.
Ndërkohë sot për grabitjen është shoqëruar dhe një person tjetër, i cili ishte punonjës në një servis në Elbasan, ku dyshohet se është bërë modifikimi i furgonit që u përfor për grabitjen. Mësohet se servisi kishte më shumë se 6 muaj që ishte dhënë me qera nga ana e pronarit pikërisht Klement Cala, i cili ka nëshkruar kontratën përmes kushëririt të tij.
Kanë dalë pamjet nga servisi ku dyshohet të jetë modifikuar furgoni i grabitjes së Rinasit, si furgon i Hetimit Tatimor. Servisi ndodhet në aksin e vjetër rrugor, pranë metarlugjikut dhe është në pronësi të Gent Sharrës i cili është shoqëruar në polici.
Deri më tani sipas informacioneve 2 persona janë arrestuar dhe 2 të tjerë janë shoqëruar në polici. Personat e arrestuar mendohet të jetë ata të cilët kanë modifikuar furgonin e grabitjes.
