Akuza tepër të forta janë hedhur në drejtim të kandidatit të PS në bashkinë e Lezhës nga një ish-deputet i koalicionit të majtë.
Ish-deputeti Eduart Ndocaj e ka gjykuar si të gabuar kandidimin e Ndreut në krye të bashkisë Lezhë. Sipas tij ky kandidim është i komanduar nga Rama.
Nga ana tjetër Ndocaj theksoi se me kandidaturën e tij, Ndreu do të minimizojë votat e së majtës në Lezhë. Kjo pasi askush nuk e do pasi është i lidhur me krimin.
Ndocaj tha për “Dosja”:
Pjerin Ndreu është një servil i pushtetit, servil i kryetarit, një njeri pa shtyllë kurrizore dhe pa shpresë për të qenë politikan dhe kryetari i Bashkisë Lezhë. Patjetër që është i komanduar nga Rama. Socialistët e Lezhës nuk ka pyetur njeri që kur ka ardhur Rama sepse kam qenë pjesë e tyre dhe e di vetë. Kjo parti funksionon totalisht në diktaturë të rreptë sepse kush nuk është dakord përjashtohet, siç u përjashtua Gjetan Gjetani. Për Pjerin Ndreu e ka thënë shumë mirë Gjetani se nuk ka lidhje me Lezhën dhe është një figurë e djegur. Do ishte një batutë shumë e bukur: “Je i vetmi politikan dhe bandit është i përbashkët”. Në Lezhë ka krijuar një mafie shumë të rrezikshme dhe ka marrë peng çdo institucion të Lezhës dhe jam i bindur se lezhjanët nuk do të jenë viktimë e një njeriu kaq të pabindur, të paskrupullt.”
