Policia ka marrë një denoncim mëngjesin e sotëm dhe ka mundur të gjobisë një drejtues mjeti të papërgjegjshëm. Dënimi në këtë rast ka ardhur si pasojë e moskujdesjes për transportin e udhëtarëve.
Një furgon i Dibrës është lokalizuar teksa lëvizte me 20 persona në brendësi të tij duke mos respektuar rregullat e qarkullimit.
Automjeti ishte i destinuar për transportin e 12 pasagjerëve por “papërgjegjshmëria” dhe dëshira për të fituar më shumë shtyu shoferin të fuste 8 persona më tepër në furgon.
Kanë qenë vetë qytetarët ata që kanë denoncuar këtë akt, teksa policia pas marrjes së denoncimit ka lokalizuar dhe gjobitur drejtuesin.
Gjoba e vendosur nga policia rrugore ka qenë me vlerën 20 mijë lek ndërsa drejtuesit të mjetit i është pezulluar leja e drejtimit për 6 muaj.