Dy sulme të reja kanë ndodhur këtë të dielë në Sri Lanka. Së pari një sulm u raportua në qytetin e Dehiwela, që ndodhet pranë kryeqytetit të Sri Lanka, Colombo.
Sipas autoriteteve, sulmi ka ndodhur në një hotel pranë kopshtit zoologjik kombëtar të vendit, duke lënë të paktën dy viktima dhe 10 të plagosur .
Menjëherë më pas, u njoftua sulmi i tetë, në Dematagoda, një periferi të Colombos. Sulmi më i fundit ndodhi në një kompleks strehimi, dhe ende nuk ka të dhëna për viktimat e mundshme.
Në Sri Lanka tashmë regjistrohen tetë sulme, pasi sulmet e tjera të së dielës tronditën tre kisha dhe tre hotele luksoze në qytete të ndryshme të vendit, kur popullata e krishterë po mbante Meshën e Pashkëve.
Si rezultat i këtyre gjashtë sulmeve, më shumë se 180 vetë u vranë dhe të paktën 500 të plagosur, raportojnë autoritetet.