E premtja e mirë shënon nisjen e festimit të Pashkëve, por për të rinjtë dhe të rejat në Britaninë e Madhe një festë fetare është një justifikim i mirë për të mbushur lokalet e natës duke pirë.
Me festën e Pashkëve shumë njerëz i shfrytëzojnë ditët e pushimit për aktivitetet e tyre të preferuara. Mesa duket për këta të rinj që nuk i kanë shpëtuar syrit të mediave britanike, të preferuarat e tyre janë lokalet e natës duke u dendur me alkool e kushedi se me çfarë pijesh të tjera.
Shumë prej këtyre të rinjve janë futur edhe në telashe me policinë pasi e kanë tepruar me alkoolin dhe pas kësaj mendja e tyre nuk ka qenë aspak e kthjellët.
Shumë foto të tyre janë bërë publike jo vetëm në mediat britanike, por në mbarë botën e shumica e tyre e ka parë veten sot në faqet e disa prej tabloidëve më të mëdhenj në Britani.