Ekspertët kanë dhënë alarmin për sigurinë në San Siro. Në ndeshjen e kaluar mids Interit dhe Atalantës, janë vënë re lëkundje serioze në kohë e mbipopullimit.
Sipas mediave italiane unaza e tretë ka lëvizur me 5 cm. San Siro edhe në të kaluarën ka pasur lëkundje, por kësaj here po merren seriozisht.
Unaza e tretë është e destinuar për tifozët miq dhe mban rreth 20 mijë njerëz. Ajo hapet vetëm kur ka interesim të madh dhe rasti i radhës do të jetë gjysmëfinalja e kupës së Italisë, mes Milan dhe Lacio.
Aktualisht Inter dhe Milan po negociojnë për ndërtimin e një stadiumi të ri, pasi San Siro është i amortizuar.
Palët nuk kanë gjetur ende gjuhën e përbashkët, ndërsa kryebashkiaku i Milanos, kërkon që dy skuadrat të derdhin taksa, edhe pse do ta ndërtojnë stadiumin e ri me fondet e tyre.
