Dy shqiptar janë përleshur me thika në Torino të Italisë. Ngjarja ka ndodhur brenda një lokali, ku njëri prej shqiptarëve ishte pronari i tij.
Fillimisht shqiptarët debatuan ashpër me fjalë dhe më pas nxorrën thikat. Si pasojë e përleshjes, pronari i lokalit mori plagë në shpatull dhe gjoks.
Atij iu deshën 20 ditë për të marrë veten. Ndërkohë policia identifikoi dhe arrestoi 32-vjeçarin, mbi të cilin rëndon akuza e tentativës për vrasje.
Më pas policia kreu kontroll në banesën ku ai jetonte me të vëllanë, ku gjeti 2800 euro cash dhe 130 objekte të çmuara, të cilat dyshohet se janë grabitur.
Sipas mediave italiane, sherri midis tyre është regjistruar mbrëmjen e 4 prillit.
32-vjeçari shqiptar shqetësonte klientët e lokalit dhe ky mendohet se ka qenë edhe shkaku i konfliktit.
Ata kishin pasur disa fërkime disa ditë përpara se të konfrontoheshin fizikisht.