“Kyçi i dorës sa më i relaksuar”, Ndocaj tregon si pihet kafeja për “shtatë palë qejfe”

Kafeja është një nga produktet më të konsumuara në të gjithë botën. Çdo vend ka traditën e tij të kafes edhe mënyrës sesi e konsumon.

Nëse italianët e pijnë kafen për 5 minuta në këmbë, për shumicën e shqiptarëve është e kundërta. Ata "shtrohen në muhabet" dhe nuk shkulen nga karrigia e lokalit për dy apo tre orë të mira.

Së fundmi në rrjetet sociale po qarkullon një video ku ish-deputeti socialist Eduard Ndocaj jep këshilla sesi pihet kafeja. Sipas tij duhet të jemi sa më të relaksuar dhe më komodë.

Ndocaj mendon edhe për njerëzit me bark të madh, për të cilët thotë se duhet të qëndrojnë drejt që të mos u duket barku. Rregulli numër dy do t'ju duket pak i çuditshëm, pasi Ndocaj thotë se duhet patjetër që të mbështet dora diku, në mënyrë që të jeni të komodë.

Ish-deputeti ka menduar edhe për pozicionin e kyçit të dorës, për të cili thotë se duhet të jetë sa më i relaksuar. Sipas Ndocajt vetëm në këtë mënyrë mund të shijohet kafeja.