JOQ Albania
Home

Të fiksuar apo të zgjuar? Ja çfarë thonë ekspertët për personat që i kanë bezdi tingujt e përtypjes
Shkruar nga: E Prifti | Publikuar më: 20/04/2019 0:00

  • Share
  • Share
  • Share
  • Share

Nëse e keni gjetur veten duke mos duruar zhurmat që krijojnë të tjerët duke u përtypur, dijeni se nuk jeni vetëm.

Një ekip në Universitetin Newcastle në Angli ka ekzaminuar skanimet e trurit të personave që i kanë bezdi tingujt e përtypjes dhe të atyre që nuk u bën përshtypje.

Sipas ekspertëve, shqetësimi që vjen me tingujt si përtypja, frymëmarrja me zhurmë ose madje edhe zhurma e stilolapsave është një abnormalitet i trurit.

Pas testimit, rezultatet ishin këto: Tingujt neutralë cilësoheshin ato të shiut apo zierjes së ujit, tinguj të pakëndshëm: një foshnje që bërtet ose një person që bërtet si dhe tinguj si frymëmarrja ose ngrënia.

Nisur nga këto rezultate, studiuesit vunë në dukje ndryshime të rëndësishme në aktivitetin e trurit të atyre që nuk i duronin këto zhurma.

Duket se ata me keqfunksionim kanë një ndryshim zhvillimi në pjesën frontale të kokës së tyre, që e bën trurin e tyre që të reagojnë ashpër ndaj disa zhurmave.

Gjithsesi, si duket, ky ndryshim në trurin e tyre bën që personat që nuk durojnë dot zhurmat e përmendura më sipër të kenë inteligjence më të lartë.