Ajaxi i Amsterdamit është padyshim surpriza e madhe e këtij sezoni në Champions League.
E mbushur plot me të rinj të talentuar, skuadra holandeze, pasi eliminoi Realin dhe Juventusin, do sfidojë tashmë në gjysmëfinale Tottenhamin.
Me një moshë mesatare shumë të re, dhe me kapitenin 19 vjeçar, Matthijs De Ligt, e gjithë bota po mahnitet futbollin që ka prodhuar deri tani Ajaxi.
Në rast se Barcelona dhe Ajax kualifikohen në finale, pikërisht, kapiteni De Ligt mund të përballet me Luis Suarez.
E përditshmja spanjolle ‘Sport’ ka kujtuar kohën e kaluar duke publikuar një foto ku shihet De Ligt si fëmijë duke u fotografuar me ‘idhullin’ e tij asokohe, Luis Suarez.
Kjo fotografi sipas ‘Sport’ është shkrepur para 10 viteve, kur Suarez ishte ylli kryesor i Ajaxit.
Por, tashmë, pas 10 viteve, dyshja mund të takohet në finalen e kompeticionit më prestigjioz në Europë, kësaj here si rivalë...