Premier League po i afrohet fundit dhe Liverpooli duket skuadra me shanset më të mëdha për fitimin e trofeut.
Padyshim do ishte diçka madhështore nëse e fitonin të kuqtë pasi një titull në Premier League mungon prej 29 vitesh te kjo skuadër.
Duke parë këtë siutuatë, tifozët e Liverpolit janë të gatshëm të bëjnë gjithçka për të qenë të pranishëm në kurorëzimin e mundshëm 12 majin e ardhshëm.
Në faqen "Football Live Tickets" disa bileta mësohet të jenë shitur rreth 6.500-7.000 euro secila në zonën e "Longside Lower Central".
Ndërkohë, çmimi më ekonomik është 700 euro.
Gjithsesi, në faqen zyrtare të klubit gjërat janë ndryshe: bileta më e shtrenjtë, në fakt, kushton 80 euro. Një diferencë e madhe që nuk ka kaluar pa u vënë re.
Kjo rritje e çmimeve ka zemëruar tifozët e Liverpool, të cilët kanë shprehur pakënaqësinë e tyre në rrjetet sociale.