JOQ Albania
Home

Shet lule për të mbijetuar, jetimi arrestohet për dhunë në protestë
Shkruar nga: N Hoxha | Publikuar më: 14/04/2019 23:48

  • Share
  • Share
  • Share
  • Share

Ky është Bledar Dule, i arrestuari mbrëmjes së të shtunës  si dhunues i policisë gjatë protestës së opozitës

Në vijmësi të denoncimeve nga ana e opozitës, për ushtrim dhune nga policia ndaj protestuesve, një rast tjetër është edhe ai i Bledar Dule, jetimit i cili shiste lule për të fituar bukën e gojës.

Bledar Dule u arrestua mbrëmjen e djeshme rreth orës 01:45 si dhunues i policisë gjatë protestës. Dulja është rritur jetim, nuk ka patur kurrë kujdesin e familjes, nuk ka patur kurrë një dhomë të vetme të tijën, madje dhe sot e kësaj dite nuk ka një televizor.

Ai shet lule nëpër Tiranë dhe shum prej jush mund ta ken hasur, si dhe ndihmon të gjitha dyqanet e lagjes me punë të vogla për tu ushqyer. Një zonjë të cilën ai e quan Nëna, kujdeset për ta larë, gatuar etj. Dulja nuk ka qenë kurrë pjesë e strukturave të Partisë Demokratike dhe nuk është as sot.

Bledar Dulja protestoi sepse disa vite më parë u nxorr ne rrugë të madhe nga Bashkia Tiranë, së bashku me shumë fatkeq të cilët janë në të njëjtat kushte. Ata jetonin që prej fëmijërisë së tyre në disa ambiente pranë pallatit me shigjeta, u nxorën në rrugë dhe kurrë nuk u konsideruan si të denjë për banesat e famshme sociale, të cilat i përfitojnë ata qe kanë 3-4 të tilla në pronësi.

Nuk ka një televizor në dhomën e marrë me qira, i sheh ndeshjet e Juventusit dhe telenovelat në të njëjtin lokal ku shohim Interin ne, në një tavolinë të cilën pronari ja ka lënë të lirë cdo natë, bashkë me cajin e kamomilit. Sot ndodhet në ambientet e komisariatit nr.2 Tiranë, si dhunuesi forcave të rendit.